Kartat, debat pozite-opozite per TVSH-ne

Projektligji i qeverise per kartat e identitetit shkaktoi debate te ashpra ne mbledhjen e djeshme te Komisionit te Ekonomise. Projekti qe parashikon heqjen e TVSH-se per kartat e identitetit ne menyre qe te mos rritet cmimi per konsumatoret, u perkthye nga opozita, si nje nisme qe synon vetem te mbroje kompanine qe i prodhon kartat, jo konsumatorin. Sipas socialisteve, Shpetim Idrizi e Arben Malaj, Ministria e Financave duhet te informoje se cfare shifre kap heqja e TVSH-se, per prodhimin e kartave. Sipas tyre, ky ndryshim, nuk ndihmon aspak konsumatorin shqiptar ne ulje te cmimeve, por vetem kompanine qe i prodhon, pasi do te rimbursohet. Pas debateve qe zgjaten me shume se nje ore, Komisioni i Ekonomise, ia la seances plenare, marrjen e nje vendimi mbi projektligjin e qeverise per dokumentet e identitetit. Aktualisht, nje karte identiteti kushton 1200 leke, per te gjithe ata qe kane mbushur 18-vjec.

Ndryshimi

Projektligji i qeverise per dokumentet e identitetit, parashikon heqjen e TVSH-se, per kompanine qe prodhon keto dokumente. Heqja sipas Ministrise se Financave eshte bere, ne menyre qe te mos rritet cmimi per konsumatorin.