Kartat, disa kategori, ulje tarife
Shtresat ne nevoje dhe studentet jane ne optiken e qeverise, per uljen e tarifes per pajisjen me karta identiteti. Nderkohe qe eshte premtuar se nje ulje e tille pritet te preke edhe shtresat e tjera, duke treguar ne kete menyre se kerkesat e ardhura per kete qellim, kane gjetur vend te qeveria. Kryeministri Berisha deklaroi dje se qeveria do te ule tarifen, per pajisjen e nje kategorie te caktuar qytetaresh me karta identiteti. Gjate mbledhjes se Komitetit Nderministror per Integrimin, kreu i ekzekutivit theksoi se shtresat ne nevoje do te mund te marrin nje karte identitetit me nje cmim 70% me te ulet se cmimi i vendosur nga qeveria prej 1200 lekesh. Keshtu sipas kesaj deklarate, perllogaritja tregon se keta persona do ta perfitojne karten e identitetit me nje vlere prej 3 mije e 600 lekesh te vjetra. Nga ana tjeter nje kategori qe do te perfitoje nga ky proces jane edhe studentet. Kryeministrit Berisha deklaroi se te gjithe studentet, do te perfitonin kartat e reja te identitetit me gjysmen e cmimit te vendosur per te gjithe qytetaret e tjere. Keshtu sipas Berishes, studentet do ta marrin leternjoftimin me cmim te pergjysmuar, per pasoje ata do te paguajne vetem 600 leke, per te terhequr karten e tyre te identitetit. "Jane bere disa hapa, por do te ndermerren edhe hapa te tjere ndaj atyre shtresave qe jane me ne nevoje. Studentet do ta marrin kete karte me cmim te pergjysmuar. Krahas tyre, edhe kategori te tjera do ta marrin me gjysme cmimi, ndersa familjeve me ndihme ekonomike u takon ta marrin me rreth 30 per qind te cmimit, ne nje kohe kur cmimi real eshte 14-15 mije leke (1400-1500 leke)", deklaroi kryeministri Berisha, duke theksuar se ulja ka ardhur fillimisht nga fakti se ketij dokumenti i eshte kemi TVSH-ne e letres, me nje vlere rreth 30%. Nga ana tjeter kryeministri Sali Berisha deklaroi se eshte e vertete se ka pasur disa masa detyruese ndaj atyre, qe nuk aplikojne ne kohe per keto dokumente. Por sipas tij, kjo eshte e vetmja menyre per te arritur edhe nje organizim sa me te mire per shperndarjen e plote te tyre. "Eshte e vertete qe qeveria ka vendosur masa gjysme detyruese dhe detyruese per pajisjen me kete dokument, por kete gje e ka bere ne interesin me te mire te qytetareve dhe te vendit", deklaroi kryeministri Berisha ne lidhje me arsyet e se pse jane marr keto masa te cilesuara ndonjehere dhe si te ashpra. Ne fjalen e tij gjate mbledhjes se Komitetit Nderministror per Integrimin, kryeministri Berisha deklaroi se ishte per t'u pergezuar edhe vetedija e larte e qytetareve per rendesine e ketyre dokumenteve. "Me keto dokumente qytetari shqiptar barazon veten ne aspektin e identifikimit me te gjithe qytetaret evropiane. E verteta eshte se ne kemi perzgjedhur dokumentin ose teknologjine me te avancuar qe ekziston sot ne Evrope", deklaroi kryeministri Berisha ne lidhje me faktin se interesimi i qytetareve ka qene shume i larte per terheqjen e ketyre dokumenteve te reja. Fatjona Mejdini