Kasat tatimet 425 milione leke gjobe biznesit
TIRAN- Kur mbeten me pak se 20 dite nga perfundimi i afateve per vendosjen e kasave fiskale per bizneset e vogla organet tatimore kane shtuar kontrollet ne te gjithe territorin e vendit duke vendosur edhe gjoba te majme. Me deshire ose jo duket se bizneset do te detyrohen te vendosin kasat fiskale pasi ne te kundert shuma qe do te paguanin per blerjen e pajisjes do tu merret shumefish nepermjet gjobave.
Jane plot 424.8 milione leke gjoba qe tatimoret kane vendosur ndaj bizneseve pergjate nje harku 10 mujor ku jane kryer mijera kontrolle. Te dhenat me te fundit nga Drejtoria e Pergjithshme e Tatimeve raportojne per rreth 19 mije subjekte te kontrolluara nga te cilet jane gjobitur plot 6 387 te tille.
Nje vendim i disa muajve me pare i qeverise percakton shuma te majme gjobash ne keto raste te cilat shkojne deri ne mbylljen perfundimtare te aktivitetit. Fillimisht kur verehet se subjekti nuk ka vendosur pajisjen fiskale ai gjobitet me 100 mije leke dhe i jepet nje afat 10 ditor per blerjen.
Pas ketij afati tatimoret kryejne perseri kontroll dhe nese nuk gjejne te vendosur pajisjen fiskale gjobisin serish biznesin por kesaj radhe me 500 mije leke duke dhene nje afat tjeter 10 ditor. Nese edhe pas kesaj gjobe biznesi kapet perseri pa pajisje fiskale merret masa per nderprerjen e aktivitetit per nje periudhe gjashte mujore.
Nese edhe pas kesaj periudhe biznesi nuk e ka vendosur pajisjen tatimet mbyllin ne menyre perfundimtare aktivitetin e tij. Afati limit per vendosjen e kasave fiskale per bizneset e vogla eshte data 31 dhjetor i ketij viti nderkohe qe ai ka perfunduar per bizneset e medha.
Pas protestes se tregtareve te tregut industrial prane Medresese ne Tirane per cmimin e kasave qeveria vendosi kompensimin e vleres se tyre per bizneset e vogla ne te gjithe vendin. Ndryshimet ligjore te miratuara se fundmi parashikojne kompensimin deri ne masen 44 mije leke te te gjithe atyre qe vendosin kasen brenda fundit te ketij viti.
Pasi te kene blere pajisjen brenda ketij afati bizneset kane kohe deri me date 28 shkurt qe te dorezojne kerkesen per perfitimin e kompensimit. Ndryshimet ne ligj parashikojne edhe kompensimin e vleres se taksimetrave per taksite ne Tirane dhe Durres deri ne shumen e 30 mije lekeve.
Nuk behet fjale per kompensimin ne te holla por shuma prej 44 mije lekesh do tu njihet bizneseve te vogla si takse e paguar. Ky ishte dhe shkaku i protestave te krereve te bashkive ne vend te cilet paralajmeruan zbrazjen e arkave te tyre duke marre parasysh qe rreth 80 per qind e bizneseve te vogla i derdhin taksat prane pushtetit lokal. Nga ana tjeter qeveria premtoi kompensimin e kesaj vlere nepermjet fondeve prej buxhetit te shtetit.