Kategoria e parë, java e 26-të, Lushnja kampione, Partizani hap falz në shtëpi
Partizani edhe pse tashmë është një hapë pranë kalimit në Superligën Shqiptare, ka bërë një hap fals në javën e 26 të kategorisë së parë. Demat e kuq nuk kanë shkuar më shumë se një barazim 1-1 në “Selman Stermasi” përballë skuadrës së Himarës e cila lufton për mbijetesë.
Pjesa e parë e këtij takimi ka dhuruar mjaftë emocione edhe pse lojtarët e të dyja skuadrave janë treguar të pasaktë në finalizimin e aksioneve.
Me fillimin e pjesës së dytë, janë miqtë nga Himara që gjejnë golin e avantazhit me anë të Dhramit, i cili vështirsoi shumë punën e vendasve për të marrë tre pikët e radhës. Pas disa tentativash radhazi duhej të vinte minuta e 86-të që Malo të evitonte humbjen e skuadrës, duke shënuar golin e barazimit dhe duke rikthyer gjithçka në barazpeshë. Ndeshja mbyllet në barazim 1-1 ndërsa pika e marrë në shtëpi, e lë ende të hapur betejën për vendin e dytë, edhe pse Partizani e sheh veten 9 pikë para Pogradecit të vendit të tretë.
Kategoria e parë ka shënuar këtë fudjavë një moment të veçantë pasi Lushnja me fitoren ndaj Gramshit ka siguruar automatikisht kalimin në eliten e futbollit shqiptar.
Në përballjet e kësaj fundjave janë shënuar këto rezultate:
Besëlidhja -Burreli 1-0
Tërbuni – Dinamo 1-1
Elbasani – Iliria 3-1
Burinti – Pogradeci 4-3
Kamza – Naftëtari 2-1
Ada – Mamurrasi 3-2
Lushnja – Gramshi 2-0
Partizani – Himara 1-1