Kembimi, euro zbret nen kuoten e 130 lekeve

Per here te pare qe nga fillimi i vitit kembimi i lekut me euron bie nen kuoten e 130 pikeve. Dje agjencite e kembimit valutor e kane shitur euron me 129,5 leke, nderkohe qe kursi i Bankes se Shqiperise, dje ka zbritur nje euro ne 129.9 leke, nga me shume se 130 qe ishte ne fundjave. Monedha vendase po shfaq simptomat e pritura ne tregun e kembimit me valutat e tjera, sidomos me euron dhe dollarin. Ekspertet ne agjencite e kembimit valutor rendisin disa arsye per forcimin e lekut, te cilat jane te lidhura gati te gjitha me sezonin e veres. Eshte bere tradite tashme qe me celjen e sezonit turistik te futen edhe prurje ne valute nga ardhja e emigranteve dhe turisteve. Disa eksperte te tjere e lidhen dobesimin e euros, jo vetem me oferten, por edhe kerkesen qe ka ekonomia per kete valute. Per katermujorin e pare, importet ne euro kane rene me rreth 6 per qind krahasuar me nje vit me pare duke ulur kerkesen per kete monedhe. Gjithashtu ne forcimin e lekut ka ndikuar pozitivisht edhe kredia 250 milione euro qe qeveria ka marre ne tregun e jashtem per te mbuluar nje pjese te deficitit buxhetor. Pjesa e pare e vitit 2009, ka reflektuar nje vazhdimesi te tendences renese te lekut kundrejt shportes se valutave kryesore, te verejtur qe ne muajin tetor te nje viti me pare. Renia e lekut ne kembim me euron, ka penguar qe ulja e cmimeve per lendet e para, sidomos per naften dhe miellin, te percillet totalisht ne tregun vendas. Dobesimi i monedhes vendase kundrejt shportes se monedhave kryesore, vleresohet te kete dhene nje ndikim ne inflacionin e mallrave te tregtueshem.