Kenia, arrestohen dy Ministra për vrasje

Dy ish-kandidatë për president në Kenia do të dalin në gjyq për krime kundër njerëzimit, pas dhunës pas-zgjedhore që përfshiu vendin në vitin 2007, vendosi Gjykata Ndërkombëtare e Krimeve të Luftës.

Ministri i Financave, Uhuru Kenyatta dhe ish-Ministri William Ruto, përballen të dy me akuza për organizimin e përballjeve të dhunshme, që sollën vdekjen e 1 200 personave.

Presidenti i Kenias, i frikësuar për trazira të reja nga mbështetësit e dy figurave të rëndësishme të politikës së vendit, i lëshoi një apel shtetasve për qetësi. “Kombi ynë i lavdishëm ka kaluar me dinjitet shumë momente më të vështira”, u shpreh Mwai Kibaki.

Kenyatta, djali i presidentit të parë të vendit, vlerësohet si një prej personave më të pasur në Afrikë. Së bashku me të është arrestuar edhe ndihmësi i tij më i afërt, zëvendësministri Francis Mutaura.

Mbi të dy rëndon akuza e krimeve kundër njerëzimit, përfshi vrasje, tortura dhe persekutim, pas përleshjeve paszgjedhore të vitit 2007, të cilat i morrën jetën 1 200 personave dhe shkaktuan zhvendosjen e 600 mijë të tjerëve.