Këshilli Bashkiak, sot miratimi i buxhetit për Tiranën

TIRANE- Pas mbylljes se konsultimeve me banoret ne gjithe minibashkite, sot Këshilli Bashkiak i Tiranës pritet te miratoje buxhetin e kryeqytetit per vitin 2012.

Me nje vlere totale prej 70 milione dollaresh,  buxheti parashikon 50% investime te reja dhe pjesen tjeter vazhdim dhe perfundim te investimeve te nisura qe me pare.

Bashkia e Tiranës bën me dije se do i propozohet Këshillit Bashkiak eleminimi i të gjithë taksave dhe tarifave vendore, për të gjithë bizneset e reja që punësojnë 50 apo më shumë qytetarë të Tiranës, dhe uljen me 30% të taksës së ndikimit në infrastrukturë për të gjithë sipërmarrjet që punësojnë mbi 75 qytetarë të Tiranës dhe që i punësojnë ata rishtasi, siç mund të evidentohet nga lista e të papunëve në zyrën e punës në Bashkinë e Tiranës.