Keshilli i BE, ne dhjetor vendim per Shqiperine Rozeta Rapushi

Forcat politike shqiptare, duhet te nisin nga puna brenda muajit dhjetor me reformen zgjedhore, ne menyre qe te marrin te pakten nje vleresim pozitiv ne mbledhjen e Keshillit te Bashkimit Evropian qe do te mbahet po ne dhjetor. Mesazhet e shpeshta vijne serish nga Brukseli, si keshilla per forcat politike qe te reflektojne shpejt dhe gjate ketyre muajve te punojne te pakten per reformen zgjedhore. Dy eurodeputetet ne Parlamentin Evropian, Hanes Svoboda dhe Doris Pak, kerkuan serish dje dialog dhe konsensus per reformen zgjedhore. Reforme per te cilen forcat politike nuk duhet te lodhen shume, persa kohe qe OSBE/ODIHR, kane bere publike mbi 50 rekomandime per permiresimin e zgjedhjeve si atyre lokale edhe parlamentare. "Qeveria dhe opozita duhet te gjejne menyren per te diskutuar se bashku ceshtjet e Kodit Zgjedhor", u shpreh numri dy i grupit socialist ne Parlamentin Evropian, Hanes Svoboda. E njejta keshille u dha edhe nga eurodeputetja Doris Pak, e cila sugjeroi menjehere ngritjen e komisionit te posacem qe do te merret me realizimin e reformes zgjedhore. "Duhet qe te gjitha partite qe jane ne Parlament te bien dakord per te ngritur nje komision parlamentar dhe per te diskutuar per nje ligj te ri elektoral, sipas rekomandimeve te OSBE/ODIHR-it", theksoi ajo. Apelet per te sjelle levizje pozitive ne kampin politik shqiptar, kerkohen pikerisht tani para mbledhjes se Keshillit te Bashkimit Evropian ne dhjetor, ne menyre qe ne raportin e Komisionit Evropian per Shqiperine, te shtohen te tjera fakte se me ne fund politika shqiptare po leviz drejt integrimit. Pas publikimit te raport progresit te KE-se per vendin tone, ku Shqiperia nuk mori statusin e vendit kandidat, eshte Keshilli i Ministrave te BE-se, ai i cili perfundimisht vendos per te. Mbledhja do te zhvillohet ne dhjetor, cka sjell qe forcat politike te kene edhe pak jave kohe per te bere hapa drejt integrimit, te cilat te reflektohen edhe ne raport.