Kinë, të paktën shtatë viktima nga tërmeti

Radio kombëtare e Kinës njoftoi se veç shtatë viktimave,  dy persona të tjerë janë plagosur dhe një i tretë rezulton i zhdukur. Agjencia zyrtare e lajmeve Hsinhua bë të ditur se tërmeti shkaktoi të paktën dy rrëshqitje dheu, një prej të cilave goditi një varkë që po lundronte në një lum të provincës. Pjesa jugperëndimore e Kinës është një zonë kryesisht me aktivitet të lart sizmik. Një tërmet tepër i fortë në vitin 2008 goditi provincën Sichuan duke shkaktuar të paktën 80 mijë viktima.