Klosi: Do te 4-fishojme ndihmen ekonomike

Sekretari organizativ i Partise Socialiste, Blendi Klosi, premtoi se brenda mandatit te ardhshem qeverises, Partia Socialiste do te 4-fishoje ndihmen ekonomike per shtresat ne nevoje. Deklarata u be gjate nje takimi te zhvilluar ne Sukth te Qarkut Durres, ku deputeti socialist foli per programin e ri qeverises. "Brenda mandatit tone, ne do te bejme qe te mos kete me familje te varfra, qe nga ndihmat e shtetit mos perballojne dot jeten e tyre. E mos kete prinder, te cilet mos jene dinjitoze karshi femijeve te tyre vetem e vetem se jane te varfer", premtoi Klosi. Sipas tij, programi i ofruar nga PS eshte nje instrument per te qeverisur dhe jo nje thes me premtime qe behen thjesht dhe vetem per fushate elektorale. "Jemi ne te gjithe vendin per te shpjeguar ne cdo cep te Shqiperise, ate qe vertete do te bejme, pas nje dialogu dy vjecar me njerezit. Jemi me ju, per t'u shpjeguar alternativen tone qeverisese, dhe jo per t'ju bere premtime qe ju do donit te degjonit, per t'u marre vota dhe me pas per te mos bere asgje nga ato qe themi gjate fushates", theksoi zyrtari socialist.