Koalicioni fitues i zgjedhjeve në Gjeorgji hedh shikimin drejt Perëndimit
“Evropa dhe zona Euro-Atlantike është esencë për strategjinë tonë dhe do të ketë një vazhdim të kursit të qeverisë pararendëse. Do ecim drejt Evropës dhe Gjeorgjia do të jetë anëtare e NATO-s në të ardhmen e afërt”, tha Ivanishvili.
Ai tha gjithashtu se do të kërkojë bashkëpunim më të ngushtë me Rusinë. Shefi i diplomacisë ruse Sergei Lavrov tregoi optimizëm të rezervuar.
“Shpresojmë se qeveria e re në Gjeorgji, kur të formohet, do të ndjekë një kurs për normalizimin e marrëdhënieve me të gjitha vendet fqinje, përfshi Rusinë, Abkhazinë dhe Osetinë e Jugut”, theksoi Lavrov.
Provicat e shkëputura gjeorgjiane të Abkhazisë dhe Osetisë së Jugut janë një temë problematike për Gjeorgjinë, meqenëse Rusia ka njohur pavarësinë e tyre.
Ndërkohë, udhëheqësit në Gjeorgji duken të fokusuar në tranzicionin sa më të lehtë të pushtetit, me Saakashvilin që po minimizon armiqësinë e shënuar në prag të zgjedhjeve parlamentare.
“Dua ti uroj sukses popullit tim. Jam i sigurt që Gjeorgjia do të ketë një sukses të madh dhe partia ime do të luajë një rol të rëndësishëm në këtë”, tha Sakashvili.