Koçiu: Operacionet e para për patologjitë e rënda të retinës, edhe në spitalet publike
TIRANË, 3 mars/ATSH/ Në spitalin Rajonal të Vlorës janë kryer me sukses, ndërhyrjet e para për trajtimin e patologjive të rënda të retinës së syrit.
Lajmin e mirë e ka shpërndarë, ministrja e Shëndetësisë dhe Mbrojtjes Sociale, Albana Koçiu, e cila ka pohuar se “operacionet e para të vitrektomisë po kryhen edhe në spitalet publike”.
Sipas Koçiut, “në spitalin rajonal të Vlorës janë kryer me sukses ndërhyrjet e para për trajtimin e patologjive të rënda të retinës dhe corpus vitreum, si shkolitja e retinës dhe hemoragjia vitroretinale”.
“Ky është një hap i rëndësishëm për oftalmologjinë në jugun e Shqipërisë duke sjellë trajtime të specializuara më pranë pacientëve”, shprehet Koçiu.
Ministrja e Shëndetësisë dhe Mbrojtjes Sociale u ka shprehur mirënjohjen e rastit, gjithë ekipit mjekësor që ka kryer këto ndërhyrje: mjekut Edmond Isufi, dr. Kemal Yuksel, reanimatorit Engjëll Lazaj dhe instrumentares Kleoniqi Mustafaraj.
Nga ndërhyrjet në spitalin publik të Vlorës 1 nga 3/r.e/a.f/