Kokalari i shkruan Bob Hand: Berisha do vjedhë sërish zgjedhjet, SHBA të tregohet më e ashpër
Aktivisti shqiptaro- amerikan, Geri Kokalari i shkruan Robert Hand, këshilltar i politikave pranë Komisionit të Helsinkit, që do organizojë të hënën një seancë dëgjimore për Shqipërinë
Zoti Hand,
Po ku shkruaj në lidhje me seancën dëgjimore të Komisionit të Helsinkit, të programuar për këtë të hënë, 6 maj.
Loja e rrezikshme që Sali Berisha po luan me Komisionin Qendror të Zgjedhjeve nuk është ndonjë çudi për ata që e njohin sadopak Shqipërinë. Komisioni i Helsinkit është i vetëdijshëm për shkeljet e zgjedhjeve në të shkuarën dhe se rezultati ka qenë në pikëpyetje më e pakta dhe me shumë gjasa joligjor. Megjithatë, rezultatet zgjedhore janë vulosur në mënyrë të pamenduar nga ndërkombëtarët që kanë pasur për detyrë të vëzhgojnë zgjedhjet në Shqipëri.
Një mesazh i qartë është dërguar në këtë mënyrë nga politika miope e SHBA dhe BE se stabiliteti rajonal triumfon mbi progresin e Shqipërisë si demokraci. Por kjo minon vullnetin e popullit shqiptar, që pa më të voglin dyshim janë përkrahësit më të mëdhenj të Shteteve të Bashkuara.
Siç kam theksuar në rastet e mëparshme tek zyrtarët e SHBA dhe BE që kujdesen për Shqipërinë, qëllimi i Sali Berishës është që të fitojë në zgjedhjet e ardhshme, pavarësisht se cili do të jetë rezultati i zgjedhjeve. Ne kemi marrë një seri raportimesh nga Shqipëria se Berisha po mobilizon forcat e tij për të mbushur kutitë e votimit, për të sjellë votues ilegalë nga Kosova, për të blerë votat dhe për të mobilizuar operativët e tij për të frikësuar votuesit në qendrat e votimit. Janë të njëjtat forma që janë përdorur në zgjedhjet e mëparshme kur komuniteti ndërkombëtar mbylli njërin sy. Dhe Berisha ka besim se mund të shpëtoja pa lagur nga këto shkelje të demokracisë sepse kështu ka ndodhur edhe në të shkuarën. Dhe nëse do i dështojnë të gjitha këto forma, ai do përdorë dominimin e tij në KQZ për të manipuluar rezultatin, njësoj siç bëri kur i dorëzoi Lulzim Bashës bashkinë e Tiranës.
Zyrtarët amerikanë dhe ata europianë kanë pjesën e tyre të fajit për këtë situatë. Kjo sepse në të shkuarën BE dhe DASH e kanë lejuar që Berisha të shpëtojë nga vjedhja e zgjedhjeve, vrasjet, intimidimi i medias, abuzimi me parimet kryesore të zbatimit të ligjit dhe korrupsionin masiv. Berisha ka mësuar se ai mund të shpëtojë nga këto sulme mbi institucionet demokratike vetëm me ca fjalë goje dhe një shuplakë të lehtë në dorë nga SHBA dhe BE.
Nëse Berishës nuk i diktohet qëartë që të kuptojë se nuk ka hapësirë për keqinterpretim, ai pa asnjë dyshim do të tentojë të kontrollojë dhe manipulojë rezultatin e zgjedhjeve në Shqipëri në qershor. Për këtë arsye është e domosdoshme që zyrtarët më të lartë të qeverisë amerikane të ushtrojnë presion tek Berisha që të ndryshojë qëndrim për KQZ-në dhe të detyrohet që të bëjë zgjedhje të lira dhe të ndershme. Nëse ai nuk iu përgjigjet këtyre kërkesave, atëherë duhet një ndërhyrje agresive. Një ndërhyrje mund të jetë veprimi direkt nga Departamenti i Shtetit dhe Kongresi për të poshtëruar atë publikisht duke publikuar provat për praktikat korruptive të Berishës, të zotëruara nga DASH, FBI dhe CIA dhe të paralajmërohen shqiptarët se Berisha po përpiqet që ta kthejë Shqipërinë në një diktaturë de facto.
Sa i përket seancës dëgjimore të Komisionit të Helsinkit, ne jemi të shqetësuar se të paktën dy nga ata që janë përzgjedhur për të dëshmuar kanë shërbyer si mbështetës të Sali Berishës, ndaj dëshmia e tyre duhet parë me dyshim. Ne do ishim të lumtur që të ofrojmë detaje në lidhje me këtë çështje, nëse na kërkohet.
Në vazhdojmë të jemi të shqetësuar se Berisha po përdor lobistët në SHBA për të shmangur ndërhyrjet kundër regjimit të tij të korruptuar.
ADA nuk mbështet asnjë parti politike apo kandidat në Shqipëri. po ashtu nuk kemi asnjë iluzion për ndonjë kandidat politik. Ajo që dimë ne është se Sali Berisha është kërcënimi më i madh për demokracinë në Shqipëri.