Kolonjë- Investimet për 2024, infrastruktura, kanalizimet e bujqësia, prioritete të bashkisë

Një sërë investimesh të rëndësishme do të kryhen gjatë vitit 2024 në bashkinë e Kolonjës. Përmes buxhetit të këtij viti është parashikuar ndërhyrje në dy qytetet e kësaj bashkie por edhe në njësitë administrative, si në infrastrukturë, kanalizime, bujqësi, e terrene sportive.

Në investimet e këtij viti do të përfshihet edhe rikonstruksioni i sheshit pas bashkisë si dhe sheshi para muzeut të Ersekës. Do të vijojë rikonstruksioni i trotuareve në qytetin e Ersekës dhe një gjë e tillë do të kryhet edhe në qytetin e Leskovikut.

Nënkryetari Petro Risto thotë se investime do të kryhen edhe sa i takon ndriçimit publik në të gjithë bashkinë.

“Vazhdojmë me investimet në ndriçim, të cilin e kemi nisur me qytetin e Leskovikut dhe të Ersekës”, tha Risto.

Në ndihmë të bujqësisë e blegtorisë do të kryhet rikonstruksioni i kanalit ujitës Gostivisht dhe Taç poshtë, do të ndërtohen prita në përrenj dhe lera e korrita për blegtorinë. Këtë vit është menduar edhe rikonstruksioni i terreneve sportive në shkolla dhe ndërtimi i një palestre të re:

Në të gjithë bashkinë Kolonjë do të vendosen kosha të rinj për mbetjet duke siguruar kështu një mjedis më të pastër dhe grumbullimin më të mirë të mbetjeve.

Gazetare Kostanca Koçi

/rtsh.al/