Kombëtarja "Shpresa" luan me ekipin maltez në 12 gusht

Kombëtarja "Shpresa" do të zhvillojë një ndeshje miqësore të mërkurrën më 12 gusht në orën 17:00 në stadiumin "Niko Dovana" në Durrës ndaj bashkëmoshatarëve të tyre maltez. Trajneri i Kombëtares "Shpresa" ka shpallur edhe listën e lojtarëve që do të marrin pjesë në këtë miqësore. Janë gjithsej 19 lojtarë të rinj të cilët do të përpiqen për t'u vënë në dukje në këtë test miqësor. Grumbullimi i kuqezinjve të vegjël do të nisë më 9 gusht dhe stërvitjet do të zhvillohen në Kompleksin Sportiv të Kamzës.