Kompensimi fizik, fillon verifikimi i tokave

Paralelisht me procesin e kompensimit financiar te ish-pronareve, do te ece edhe ai i kompensimit fizik. Tashme, grupi i punes se AKKP-se ka filluar verifikimit e fondit prej 17 335 hektaresh me toka bujqesore, qe do te perdoren per kompensimin e ish pronareve. Sipas vendimit te qeverise, kane kaluar ne fondin per kompensimin fizik te Agjencise se Pronave fondi i tokes bujqesore qe arrin siperfaqen prej 17 335 hektare. Kjo siperfaqe tokash i perket ish Ndermarrjeve Bujqesore dhe institucioneve Kerkimore te Ministrise se Bujqesise. Sipas ketij vendimi, Agjencia e Pronave, ben verifikimin perfundimtar te pronesise se truallit per fondin e tokes, ndersa per siperfaqet qe perfshihen brenda zonave kadastrale, ku ka perfunduar procesi i regjistrimit fillestar, konfirmimin e ben zyra vendore e regjistrimit te pasurive te paluajtshme. Per siperfaqet qe perfshihen ne zonat kadastrale, ku nuk eshte kryer regjistrimi fillestar, konfirmimin e ben SAMT-i ne qark. AKKP-ja i perdor siperfaqet, me statusin e pronesise shteterore per kthimin dhe kompensimin fizik sipas kritereve te percaktuara ne ligj. Pas verifikimit perfundimtar qe behet nga AKKP-ja, pronat qe rezultojne me njohje apo kthim pronesie, zbriten nga fondi i mesiperm. Burime nga AKKP-ja, bejne te ditur se pas perfundimit te procesit te verifikimit, qeveria do te percaktoje hallkat e metejshme, me te cilat do te operohen per kompensimin fizik te ish-pronareve. Detyren e verifikimit e ka marre persiper grupi i punes i kryesuar nga zevendeskryeministri Genc Pollo.