Kompensimi fizik, ne janar fillon puna

Menjehere pas perfundimit te shperndarjes se fondit prej 5 milione dollaresh per kompensimin financiar te pronareve per kete vit, do te filloje puna per realizimin e kompensimit fizik. Keshtu, duke filluar nga muaji janar i vitit 2008, Agjencite Rajonale te Kthimit dhe Kompensimit te Pronave ne bashkepunim me pushtetin vendor do te fillojne verifikimin ne terren te pronave shteterore. Burime nga AKKP-ja bene te ditur dje, se nje pjese e ministrive te linjes kane derguar pronat e lira qe do te sherbejne per kompensimin e ish-pronareve, por rezultojne mangesi te theksuara ne dokumentacionin perkates. Nga ana tjeter, nje pjese e mire e ketyre pronave jane zene me ndertime pa leje dhe pavaresisht se ne dokumente figurojne prone shteterore, ne realitet ato jane te zena. "Duke u nisur nga ky fakt, ekspertet e AKKP-se do te nisin punen ne terren per te nxjerre nje harte perfundimtare me pronat e lira shteterore, qe do te kalojne ne favor te ish- pronareve", theksojne burimet. Tashme, pas perfundimit te hartes se vleres se pronave ne te 12 qarqet e vendit, pritet te filloje procesi i kompensimit fizik, i vleresuar si faktori kyc per uljen e fatures financiare per demshperblimin e pronareve.