"Kompensimi i pronave, i paperfillshem" Rozeta Rapushi
Pronaret e ligjshem te tokave japin shifra marramendese, qe sipas tyre shteti duhet te veje ne dispozicion te tyre per kompensimin fizik. Menjehere pas vendimit te qeverise per dhenien e 27.000 m2 toke "shesh", ne dispozicion te Agjencise se Kthimit dhe Kompensimit te Pronave, per nisjen e kompensimit fizik, pronaret e shoqates "Pronesi me Drejtesi", deklarojne se per kompensimin e tyre nevojiten 2 milione m2 truall vetem ne Tirane. Nje prej anetareve te kesaj shoqate, Reshit Vorpsi, tha dje per Gazeten "Koha Jone", se pavaresisht se venia ne dispozicion te 27.000 m2 eshte dicka, shifra mund te konsiderohet pa frike e paperfillshme ne lidhje me detyrimet qe sipas tij shteti ka ndaj pronareve. "Po te marresh ne konsiderate faktin se nga vendimet e dhena nga zyrat e pronave ne vend, shteti i detyrohet te pakten 2 milione m2 toke truall vetem ne Tirane, pronareve, atehere mund te them se vendimi i Keshillit te Ministrave eshte i paperfillshem per pronaret", tha Vorpsi. Sipas tij, kjo eshte nje tentative e qeverise per ti dhene gjoja doren pronareve apo nje perkrahje atyre, por shifrat e dhena jane minimale. Vorpsi kerkoi nga ekzekutivi qe duke dialoguar me pronaret e ligjshem te pronave, do te mund te analizohej situata e reformes se prones ne vend dhe mund te gjendej nje zgjidhje per detyrimin qe ende vendi ka ndaj pronareve. Duke shkuar me tej, Vorpsi tha se akoma me i madh eshte detyrimi i shtetit ne kompensim fizik per siperfaqet e tokave bujqesore. "Sipas vendimeve te komisioneve te pronave deri ne vitin 2006 behet fjale per 54 mije hektare toke bujqesore qe duhet tu kthehen pronareve ne te gjithe vendin", tha Vorpsi. Vetem pak dite me pare, qeveria miratoi nje siperfaqe prej 27.070 m2 toke, per Agjencine e Kthimit dhe Kompensimit te Pronave per kthimin fizik te pronareve te ligjshem te tokave. Keshilli i Ministrave vendosi qe kete siperfaqe shesh, prone shteterore, te kaloje ne fondin e kompensimit fizik e te vihet ne dispozicion te Agjencise se Kthimit dhe Kompensimit te Pronave, ne perputhje me ligjin "Per kthimin dhe kompensimin e prones", te ndryshuar.
Detaj
Pretendimet
Pronaret e ligjshem te tokave pretendojne se vetem ne kryeqytet per kompensimin e tyre, nevojitet nje siperfaqe toke truall prej 2 milione m2. Shifer kjo e dale sipas tyre nga zyrat e agjencive te pronave.
Vendimi
Per kalimin e nje siperfaqeje, prone shteterore, ne fondin e kompensimit fizik dhe venien e saj ne dispozicion te Agjencise se Kthimit dhe Kompensimit te Pronave
1. Siperfaqja prej 27 070 (njezet e shate mije e shtatedhjete) m², me numer pasurie 257/2, zeri kadastral "Shesh", prone shteterore, sipas gentplanit, qe i bashkelidhet ketij vendimi, te kaloje ne fondin e kompensimit fizik e te vihet ne dispozicion te Agjencise se Kthimit dhe Kompensimit te Pronave
2. Agjencia e Kthimit dhe Kompensimit te Pronave, pasi ben verifikimin perfundimtar te pronesise se truallit, per fondin e mesiperm, e perdor ate per kompensimin e pronareve, sipas kritereve te percaktuara ne ligj.
3. Ngarkohen Ministria e Financave dhe Agjencia e Kthimit dhe Kompensimit te Pronave per zbatimin e ketij vendimi.
Ky vendim hyn ne fuqi menjehere dhe botohet ne "Fletoren zyrtare".
Ligji per mos djegur fondet per pronaret
Fondi Special, hyn ne fuqi ligji
Hyn ne fuqi ligji per krijimin e fondit special te pronave. Pak kohe me pare, me miratimin ne Kuvend te ligjit per krijimin e fondit special te kompensimit te pronave, tashme nuk ka me rrezik qe te digjen as fondet e percaktuara nga shteti per pronaret. Sipas Kryetarit te Agjencise se Kthimit dhe Kompensimit te Pronave, Elvis Cefa, eliminohet perfundimisht frika e djegies se fondeve ne fund te vitit buxhetor. Me kete ligj fondet qe nuk perdoren brenda vitit kalendarik vazhdojne dhe akumulohen ne fondin special te Kompensimit te Pronave dhe ben te mundur per Agjencine e Kthimit dhe Kompensimit te Pronave, perdorimin ne cdo kohe te ketyre fondeve pa asnje lloj kufizimi. Ne baze te ligjit, nga fondi special qe krijohet per kompensimin e pronareve, do te perfitojne te gjithe ata pronare qe kane fituar te drejten per shperblim ne baze te ligjit si dhe cdo subjekt i shpronesuar qe i njihet e drejta e kompensimit te prones. E vecanta e ketij ligji, qendron ne faktin qe per krijimin e fondit special te pronave, do te mblidhen para nga nje sere burimesh. Burimet per kompensimin e pronave jane te ardhurat qe vijne nga buxheti i shtetit per kompensimin e subjekteve te shpronesuara sipas ligjit per kthimin dhe kompensimin e pronave.