Koncensioni i aeroportit të Rinasit, Basha: Çdo akt i qeverisë, në shkelje flagrante të ligjit

Kryetari i PD-së Lulzim Basha, reagoi pas zgjatjes së koncesionit të aeroportit Nënë Tereza nga 22 vite në 35 për favor të koncesionarit Kastrati.

“Çdo akt koncesioni, PPP apo zgjatje koncesioni i propozuar nga qeveria ne ikje, është në shkelje flagrante të ligjeve të vendit. Zotohem para çdo shqiptari se unë dhe qeveria ime nuk do të njohim asnjë akt të tillë dhe do ta zhbëjmë atë. Aeroporti Ndërkombëtar “Nënë Tereza” do tu kthehet shqiptarëve dhe shtetit të tyre sipas përcaktimeve fillestare të kontratës koncesionare. Shqipëria do tu kthehet shqiptarëve! #ShqipëriaFiton,” shkruan Basha.