Konfindustria: Eksporti eshte rritur
Konfindustria, ka pergatitur raportin periodik krahasimor 6 mujor per gjendjen e sektoreve industriale te vendit. Mbeshtetur ne te dhenat e ardhura nga grupet e industrive, te ndara sipas sektoreve kryesore ne menyre te permbledhur, sipas administratorit te pergjithshem te Konfindustrise, Gjergj Buxhuku, eshte arritur ne perfundimin se gjendja e prodhimit industrial ne vend, ne vija te pergjithshme eshte e njejte me 6 mujorin e dyte te vitit 2009, me vecori kryesore vazhdimesine e mungesave te likuiditetit. Njekohesisht kryesisht ne sektoret, qe prodhojne per eksport jane vene re shenja permiresimi krahasimisht me vitin 2009. Konfindustria ne analizen krahesuese te sektoreve industriale te vendit eshte mbeshtetur ne dy tregues baze, ate te shitjeve te realizuara dhe treguesin e “fitimit. Sipas sektoreve industriale kemi paraqitjen e meposhtme: Sektori i industrive ushqimore te prodhimeve plotesisht bazike per nevojat e konsumatoreve si, industria e miellit dhe nenprodhimeve te tij, industria e mishit dhe nenprodhimeve te tij, pergjithesisht kane treguar qendrueshmeri ne 6 mujorin e pare te vitit 2010 per treguesin e “shitjeve” krahesimisht me 6 mujorin e dyte te vitit 2009. Nderkohe, qe industrite e mesiperme kane renie te ndjeshme te treguesit te “fitimit” kryesisht si pasoje e veprimit te bashkrenduar dhe grumbullues/kumulativ te dobesimit te Lekut kryesisht kundrejt Dollarit amerikan dhe njekohesisht rritjes se cmimit te lendeve te para si “dritherat” dhe “mishi” ne tregjet nderkombetare. Nderkohe qe sektore te industrise ushqimore te prodhimeve jo bazike per nevojat e konsumatoreve si: industria e prodhimeve joalkoolike, industria e prodhimeve alkoolike, industria e birres, industria e konservave, etj kemi renie te treguesit te “shitjeve” shoqeruar dhe renie te treguesit te “fitimeve”. Ndersa sektoret industriale te lidhur drejtperdrejt ose terthorazi me sektorin e” ndertimit” si: Industria mekanike, industria e prodhimit te celikut, industria e perpunimit te hekurit&llamarinave, industria e prodhimit te tullave&tjegullave, industria e mobiljeve, industria e prodhimit te plastikes, letres, etj. kane tregues negative per 6 mujorin e pare te vitit ne vazhdim, krahesimisht te njejtes periudhe te vitit 2009 dhe ne gjendje pergjithesisht te njejte me 6 mujorin e dyte te vitit 2009. Ne mjaft nga sektoret e lartpermendur vihet re dhe nje shkalle e larte e vonesave te pagesave nga te tretet/porositesit per volumet e prodhimeve te kryera. Nderkohe qe sektoret e industrise se rende si: Industria e prodhimit te energjise elektrike, industria e prodhimit te naftes, industrite e prodhimit te mineraleve, kane patur tregues te permiresuar te shitjeve dhe fitimit ne 6 mujorin e vitit 2010 krahesimisht 6 mujorin e pare dhe te dyte te vitit 2009. Permiresime dhe i njejti perfundim eshte edhe per industrite “fason”( kryesisht kepuce, tekstile) te realizuara ne 6 mujorin e pare te vitit 2010 krahasimisht me vitit 2009.