Konflikt për motive të dobëta, vritet me thikë 47-vjeçari në Kavajë

Një ngjarje e rëndë ka ndodhur pasditen e sotme në lagjen nr. 3 të Kavajës. Rreth orës 14:22, shtetasi R. P., 47 vjeç, banues në Kavajë, dyshohet se pas një konflikti për motive të dobëta ka goditur me thikë bashkëmoshatarin e tij, S. I., po 47 vjeç.

I plagosuri u dërgua me urgjencë në spital, por për fat të keq nuk arriti të mbijetojë, duke ndërruar jetë si pasojë e plagëve të marra.

Njoftimi  I Policisë

Më datë 21.02.2026, rreth orës 14:22, në lagjen nr. 3, Kavajë, shtetasi R. P., rreth 47 vjeç, banues në Kavajë, dyshohet se për motive të dobëta ka goditur me mjet prerës (thikë) shtetasin S. I., rreth 47 vjeç, i cili për pasojë ka ndërruar jetë në spital.

Shërbimet e Policisë janë vënë në ndjekje të autorit dhe vijon puna për kapjen e tij.

Ndërkohë, grupi hetimor, nën drejtimin e Prokurorisë, ndodhet në vendngjarje dhe po punon për sqarimin e rrethanave dhe dokumentimin ligjor të rastit.

Vijon…

/rtsh.al/