Kongresi i PS, Klosi: Do vendosim qendrimin ndaj Kuvendit

Kongresi i Partisë Socialiste do të miratojë jo vetëm ndryshimet në statut, por edhe qendrimin që partia më e madhe e opozitës do te mbajë ndaj parlamentit dhe situatës ekonomike në vend. Sekretari organizativ i PS-së, Blendi Klosi shpjegon se kongresi punimet e të cilit startojnë ditën e dielë në orën 11:00, si forumi më i lartë i partisë do të përqendrohet tek situata politiko-ekonomike.
Ndërkaq sekretari organizativ, Klosi ka sqaruar se ndryshimet në statut sanksionojnë një riorganizim të strukturave në bazën e partisë. Në rast se këto ndryshime votohen nga delegatët e Kongresit atëherë PS hyn në një proces electoral për të zgjedhur krerët e rretheve.
Kongresi i PS mblidhet rreth 8 muaj pas Kongresit të Jashtëzakonshëm të gushtit të vitit 2009, kur Edi Rama pas humbjes së zgjedhjeve parlamentare kërkoi një mandat të ri në krye të partisë.