Konkursi i gjuhës shqipe – Vlerësohen njohuritë gjuhësore të nxënësve në fazën e dytë

Nxënësit e arsimit para universitar i janë nënshtruar këtë të hënë fazës së dytë të konkursit kombëtar të gjuhës shqipe. Çdo pesë shkolla kanë konkurruar me njëra tjetrën për nxjerrë fitues nga 1 institucion arsimor.

Kamera e RTSh-së ka ndjekur nga afër konkursin e zhvilluar në shkollën Kosova ku nxënësit  janë vlerësuar për njohuritë e  tyre gjuhësore, për aftësinë e krijimit  të një proze apo poezie,  për diskutimin  rreth një teme të caktuar, si dhe për aftësinë e tyre  në hartim të një projekti  që përkthehej  me sasinë më të madhe të pikëve.

Ky konkurs i cili zhvillohet për herë të dytë synon jo vetëm vlerësimin e njohurive në gjuhën shqipe por edhe në kultivimin e një brezi të ri të përkushtuar ndaj trashëgimisë së tyre kulturore.

Në konkursin e gjuhës shqipe janë angazhuar 11 mijë nxënës nga 900 shkolla të vendit .Fazat e gjysmë finaleve dhe finalet e këtij konkursi kombëtar do të transmetohen në valët e Radio Televizionit Shqiptar.  

/RTSH/