Konkursi, policia kerkon kandidate te tjere
TIRANE - Kandidimi per pjesetar te Patrullave te Pergjithshme eshte hapur perseri pasi u mbyll ne daten 25 qershor pasi kishte filluar ne daten 15 maj. Por konkursi i zhvilluar pak dite me pare ne 10 korrik, dhe qe deshtoi, ka bere qe Policia e Shtetit ta perserise dhe me kete rast ka vendosur qe te hape perseri regjistrimet per aplikante te tjere qe mund te ngrejne nivelin e dobet te treguar gjate konkursit te pak diteve me pare. Sipas pikes 2 te nenit 14, te Vendimit te Keshillit te Ministrave numer 804 date 21 nentor 2007, “Rregullorja e Personelit te Policise se Shtetit”, thuhet se, “aplikantet qe nuk arrijne 60 per qind te pikeve te nevojshme te testit me shkrim kane te drejte te riaplikojne per tu pranuar ne Polici me shpalljen e radhes se vendeve te lira”. Sipas te dhenave pese kandidatet qe rezultuan fitues ne testimin me shkrim te dates 10 korrik 2008 nuk do ti nenshtrohen ketij testimi, pasi jane te kualifikuar.