Konte rigjen Eriksen: I lumtur që është kthyer në fushë

Është Christian Eriksen dhe Brentfordi i tij në rrugën drejt Ligës së Kampionëve të Antonio Contes. Trajneri i Tottenham-it e gjen sërish danezin pas fitimit të titullit me Interin dhe momenteve dramatike të Euro 2020. “Jam shumë i lumtur që e shoh sërish të luajë futboll – tha ai në një konferencë për shtyp – Në qershor ishte e tmerrshme, ato imazhe ishin të tmerrshme, sepse ne kemi vuajtur shumë për të dhe familjen e tij. Të shoh atë në një ndeshje do të jetë një kënaqësi për mua. Është e mahnitshme sepse jo shumë kohë më parë ndodhi ajo që ndodhi. Ta shoh përsëri të luajë më bën shumë të lumtur sepse e di se futbolli është jeta. Kjo mundësi është e madhe për të dhe familjen e tij, sepse tani ata janë kthyer në një jetë normale”.

Edhe tifozët e Tottenhamit që vizitojnë Community Stadium të shtunën do të jenë të lumtur të shohin ish-të preferuarin e tyre në fushë. Eriksen, në fakt, para se të kalonte te Interi në janar 2020, ishte një kolonë e Spurs për 6 vite e gjysmë, me fanellën e të cilëve luajti 305 ndeshje me 69 gola dhe 90 asistime. Në sezonin 2018-19 ka edhe kontributin vendimtar në ecurinë e shkëlqyer drejt finales së Champions League të humbur 2-0 me Liverpool.

Dhe kush e di se rrugët e Eriksen dhe Tottenham nuk do të mund të ribashkohen sezonin e ardhshëm. Në qershor, mesfushorit i skadon  kontrata 6-mujore me Brentford dhe nuk ka gjasa që të ketë një sezon tjetër. I rikuperuar plotësisht pas arrestit kardiak në Euro 2020, tani ai dëshiron të luajë si protagonist në Kupën e Botës në Katar dhe të riniset në top futbolli. Dhe nuk ka trampolinë më të mirë se Spurs-i i tij i dashur.