Kontroll ne rezervuaret e digave

Pas ngjarjes se ujembledhesit fshatit Shardushk ne Kavaje Ministria e Bujqesise ka nisur nje kontroll te te gjitha rezervuareve te digave dhe pritave per te verifikuar raste te ngjashme.

Ndersa ne Kavaje ministri Jemin Gjana ka ndjekur nga afer punen per venien ne kontroll te ujrave te rezervuarit. Gjate gjithe nates se mbremshme forcat xheniere kane ndihmuiar specialistet e bujqesise, per te zbrazur ujin dhe kane nisur punen per riparimin e diges se demtuar.

“Nese nuk do te ishte menaxhuar mire situata, rezervuari do te ishte nje rrezik real per jeten e njerezve”, u shpreh ministri, Gjana.

Banoret e zones qe ndodhen prane ujembledhesit jane rikthyer nderkohe ne shtepite e tyre pasi policia u njoftua se rreziku i permbytjes u evitua.

Ne nje tjeter ujembledhes, ne fshatin Zemblak te Korces bordi i kullimit ka hapur portat per te shkarkuar ujrat. Niveli i liqenit ishte rritur ndjeshem per shkak te shirave te diteve te fundit. Kjo mase eshte per shkak se ne Korce reshjet e shiut po shkrijne deboren e rene se fundmi.