Koplik, banoret bllokojne punimet ne ujesjelles

Rasti me i fundit i bllokimit te punimeve ka ndodhur ne nje nder investimet me te rendesishme te ketij qyteti, ujesjellesit te Koplikut. Shkak per bllokimin e ketyre punimeve jane bere rreth 40 familje te fshatit Rec te Malesise se Madhe, te cilet kerkojne kompensimin monetar perpara se te realizohen punimet ne ujesjellesin e Koplikut qe kalon ne pronat e tyre. Reagimi i banoreve ndaj indiferences se pronesise se tyre filloi rreth nje vit me pare, kur u vendosen pikat ku do te kalonte ujesjellesi i Koplikut. Banoret e Recit kerkuan te dinin se kur dhe sa do te kompensoheshin per pronat qe do u merreshin per kete ujesjelles, por askush nuk u ktheu pergjigje pozitive duke u justifikuar vetem me faktin se investimi ishte ne dobi te te gjitheve. Qe nga ai moment perfaqesuesit e rreth 40 familjeve qe po u cenohej prona ngriten zerin duke kerkuar sqarim per te gjitha pikat e kompensimit te tyre, nderkohe qe kercenuan se ne rast te moskompensimit te tyre, do te bllokonin punimet qe ne momentin kur projekti do te duhej te finalizohej ne pronat e tyre. As firma zbatuese dhe as drejtuesit e pushtetit vendor te zones e me gjere nuk e moren seriozisht kerkesen dhe kercenimin e banoreve. Kaloi nje vit, dhe erdhi momenti i fillimit te punimeve perfundimtare ne fshatin Rec te Malesise se Madhe. Familjet qe duhet te leshojne pronen e tyre per kalimin e ujesjellesit te Koplikut u ngriten menjehere dhe bllokuan punimet. Sipas punonjesve te firmes zbatuese te projektit, gjithsej jane rreth 4 kilometer gjatesi lineare ne fshatin Rec ku duhet te realizohen punimet me qellim lidhjen mes rezervuarit te ujit te pijshem me tubacionet, qe shpien e pijshem dhe te munguar ne qytetin e Koplikut. Pavaresisht bisedimeve bindese, por pa sqarim per kompensimin, deri tani nuk eshte gjetur zgjidhja, duke sjelle mbetjen ne vend te punimeve te ujesjellesit te Koplikut, investimi me i madh ne kete zone. Per te zhbllokuar situaten kane hyre ne bisedime me banoret e Recit jo vetem zyrtare te larte nga Tirana dhe Malesia e Madhe, por edhe perfaqesues te firmes austriake qe po ben punimet. Rreth nje vit me pare u be inaugurimi i fillimit te punimeve per ujesjellesin e Koplikut.

Projekti

Investimi me i rendesishem per zonen e Koplikut behet me fondet e Qeverise austriake me nje fond prej nje 1 milion e 390 mije euro, fond i dhene ndermjet Kooperacionit austriak te zhvillimit. Edhe Qeveria shqiptare eshte pjese e ndertimit te ketij ujesjellesi me nje fond prej 80 mije euro.