Korçë, arrestohet një taksist, grabiti dy studente austriake

Në pranga përfundoi Olsion Trajko, 28-vjeç, me arsim 12 klasë dhe banues në Lagjen 12 të Korçës. Arrestimi i tij u krye pasi mbrëmë ky shtetas ka hipur ne mjetin e tij tip BMW me targe AA216EA për t’i çuar në Ersekë shtetaset, Lara Bernhrd Bogataj, 22-vjeç, dhe Sabrina Huth Elisabeth,26- vjeç, të dyja studente dhe banuese në Vjenë.

Shtetaset Austriake i kanë kërkuar shtetasit Olsion Trajko t’i transportonte me mjetin e tij nga Korçë për në Ersekë. Gjatë rrugës në fshatin Floq drejtuesi i mjetit i ka zbritur shtetaset e mësipërme nga mjeti dhe me pas është larguar duke ju vjedhur çantat me pajisjet që kishin brenda. /Start/

                                                                                             2012-07-31 10:19