Korçë, plagoset rëndë një shtetas me mjete të forta

Policia lokale bëri me dije se i plagosuri është shtetasi me iniciale, M. V., 23-vjeç, banues në fshatin Zvirinë. Ai mori plagë të rënda dhe për këtë arsye, u dërgua për në Spitalin Ushtarak të Tiranës.

Policia bëri me dije se ndaj të riut është qëlluar me mjete të forta nga dy shtetas, të cilët janë shpallur në kërkim. Autorët e dyshuar janë G.G  36-vjeç, si dhe   I.G 45 vjeç, të dy banues në fshatin Pirg-Korçë.

Policia vazhdon punën për arrestim e tyre, ndërsa materialet e përpiluara do t’i referohen Prokurorisë së Rrethit Gjyqësor Korçë për hetime të mëtejshme. /Start/

                                                                                             2012-07-01 10:38