'Kosova ka arritur stabilitetin e vet si shtet'

Kryetari i Kuvendit të Kosovës, Jakup Krasniqi, priti të hënën në një takim lamtumirës me ambasadorin e Gjermanisë në Prishtinë, Hans-Dieter Steinbach, të cilin e falënderoi për ndihmën që dha në bashkëpunimin dhe mbështetjen e Kuvendit të Kosovës, si dhe të institucioneve tjera të vendit.

Ai me këtë rast shprehu bindjen se bashkëpunimi shumë i mirë ndërmjet Kuvendit të Kosovës dhe Parlamentit të Gjermanisë do të vazhdojë të thellohet edhe në të ardhmen.

Nga ana e tij, ambasadori Hans-Dieter Steinbach duke folur për çështjen e legjislacionit, vlerësoi lart punën rreth miratimit të ligjeve, sidomos nga Pakoja e Ahtisaarit.

Ambasadori gjerman u shpreh se Kosova tashmë ka arritur stabilitetin e vet si shtet. Hans-Dieter Steinbach tha se marrëdhëniet në mes Gjermanisë dhe Kosovës janë shumë të mira dhe do të forcohen edhe më, njofton Zyra për media dhe marrëdhënie me publikun