Kosova ne Berdo si shtet

Kosova do te perfaqesohet ne konferencen e Berdos si shtet i barabarte me vendet tjera, ka rikonfirmuar zevendeskryeministri Hajredin Kuci. Ne takimin e planifikuar me 20 mars, ne Berdo afer Kranjit, pjesemarrjen thuhet se e kane konfirmuar te gjitha vendet, pervec Serbise, e cila insiston qe Kosova te perfaqesohet atje ne kuader te UNMIK-ut. Nje kerkese e tille eshte hedhur poshte nga Prishtina zyrtare
Ndersa po vazhdojne perpjekjet diplomatike te Sllovenise per organizimin dhe perfaqesimin e te gjithe lidereve te rajonit ne konferencen e Berdos, Qeveria e Kosoves perserit qendrimin se ne kete takim, Kosova mund te perfaqesohet vetem si shtet i barabarte me vendet tjera. Zevendeskryeministri Hajredin Kuci thote se ftesa per pjesemarrje, kryeministrit Hashim Thaci i eshte derguar ne cilesine e kryeministrit te nje shteti sovran dhe ne kete cilesi edhe do te shkohet ne Berdo. "Kosova do te perfaqesohet si e barabarte kudo ne forume nderkombetare. Edhe ne rastin e takimit te Berdos, afer Kranjit, jam i bindur se kryeministri i vendit do ta kete perfaqesimin e shtetit te Kosoves ne menyre dinjitoze dhe te barabarte me te gjitha shtetet tjera pjesemarrese ne ate takim", thote Kuci.
Pjesemarrja e Kosoves si shtet eshte sfiduar nga Serbia, e cila ka kerkuar qe emri i Kosoves te shenohet si UNMIK-Kosova, cka nga Prishtina eshte cilesuar si propozim i papranueshem. Zevendeskryeministri kosovar thote po ashtu se Serbia ne vazhdimesi ka bere perpjekje ta pengoje pjesemarrjen e Kosoves ne takime nderkombetare. Politika serbe ne raport me Kosoven, sipas tij, i takon nje logjike te vjeter, e cila mund te ndryshoje me rritjen e trysnive diplomatike nderkombetare mbi Beogradin. "Une besoj se Serbia do ta ndryshoje logjiken e konfrontimit, do te kthehet ne logjiken e bashkepunimit dhe nuk ka arsye qe te mos marre pjese. Po ashtu, besoj se presioni nderkombetar do te shtohet, qe ndryshimet ne Serbi te jene me te shpejta", thote Kuci.
Kryeministri i Sllovenise, Borut Pahor, gjate vizites se tij ne Kosove, pati deklaruar se nuk jane tejkaluar mosmarreveshjet ne lidhje me organizimin e konferences se lidereve te Ballkanit perendimor, ne Berdo afer Kranjit. Per shkak te kundershtimeve serbe, mbetet si problematike perfaqesimi i shteteve, i simboleve dhe i nxjerrjes se deklarates se perbashket.
Kjo konference ka per qellim t'i tuboje lideret e Ballkanit perendimor qe te diskutojne bashke me lideret e BE-se perspektiven evropiane te rajonit. Por, gjerat jane komplikuar ne momentin kur Beogradi kerkoi qe Kosova atje te mos perfaqesohet si shtet, por si pjese e delegacionit te UNMIK-ut, sic e parasheh Rezoluta 1244 e Keshillit te Sigurimit. RFE