Kosova nënshkruan kontratën për realizimin e projektit të autostradës Morinë-Merdarë

Qeveria e Kosovës nënshkroi sot kontratën me konsorciumin amerikano-turk “Bechtel & Enka” për realizimin e projektit të autostradës Morinë - Merdarë. Për realizimin e këtij projekti u tha se do të nevojiten rreth 700 milionë euro. Ministri i Transportit dhe Post-Telekomunikacionit, Fatmir Limaj dhe zyrtarët e Konzorciumit “Bechtel&Enka”, kanë nënshkruar sot marrëveshjen për ndërtimin e autostradës Vërmicë-Merdare, e cila njihet ndryshe edhe si “rruga e kombit”. Kryeministri i Republikës sw Kosovws, Hashim Thaçi ka thënë dje se ky është një moment historik për shtetin tonë, pasi po realizohet ëndrra e qytetarëve të Kosovës. Në këtë ceremoni të nënshkrimit të kësaj kontrate, përveç kabinetit të Qeverisë së Kosovës, kanë marr pjesë ambasadori i SHBA-ve në Kosovë, Christopher Dell, ai i Britanisë së Madhe, Andy Sparkes dhe ai Turqisë, Metin Husrev Unler. Me këtë rast kryeministri i Republikës, Hashim Thaçi ka thënë se nënshkrimi i kësaj kontrate është moment historik për Kosovë, ndërsa ndërtimi i autostradës do të hap mijëra vende të reja të punës. “Ky është një moment historik për shtetin tonë. Pra po realizohet ëndrra e qytetarëve të Kosovës. Është projekti më i madh në historinë e deritashme të vendit tonë. Ky projekt i ndërtimit të autostradës Vërmicë-Prizren-Prishtinë-Merdare, i ndihmon qytetarët, duke krijuar mundësi të reja të lëvizjes së lirë. E integron shtetin e Kosovës fuqishëm në rajon. Ndërtimi i autostradës do të krijon me mijëra vende të reja pune. Është autostrada me standardet më të larta ndërkombëtare që do të modernizojë shtetin tonë”, ka thënë kryeministri Thaçi.