Kosovë- Arrestohet për korrupsion drejtori i aeroportit të Prishtinës

.

Drejtori i aeroportit të Prishtinës Afrim Hazizi është arrestuar nën akuzat për korrupsion. Lajmi është konfirmuar nga autoritetet në Kosovë. Sipas policisë , së bashku me të janë arrestuar edhe Vlora Ferizi, zyrtare për prokurim në këtë aeroport dhe Shkëlzen Jusaj, menaxher i kompanisë "Petrol Company". Autoritetet thanë se ata kanë bërë shkelje në procesin e kontratave dhe kanë abuzuar me detyrat shtetërore, duke mos dhënë më shumë hollësi, por theksuan se hetimet në lidhje me këtë rast kishin filluar para shtatë muajsh.