Kosove Serbet vendosin kushte per levizjen e lire ne veri
Perfaqesuesit e serbeve ne komunat veriore te Kosoves thane se jane te gatshem te bejne largimin e pjesshem te barrikadave per te lejuar levizjen e forcave paqeruajtese por kane vene kushte per levizjen e trupave te Misionit te Bashkimit Evropian per policine dhe drejtesine.
Ata thane sot se kane kerkuar garanci nga EULEX-i qe neper te njejtat rruge te mos transportohen edhe doganieret dhe policit kufitare te Kosoves.
Keto komente u bene pas nje takimi qe u zhvillua ne Zvecan ne mes te perfaqesuesve te serbeve ne veri lidhur me mundesine e zhbllokimit te rrugeve per levizjen e lire te autoriteteve nderkombetare te sigurise.
Ata thane se barrikadat nuk do te largohen por jane te gatshem te lejojne levizjen e lire per trupat e NATO-s. Takimi i sotem pasoi nje takim te perfaqesuesve serb me presidentin e Serbise Boris Tadic i cili kishte kerkuar prej tyre zhbllokimin e rrugeve per misionet nderkombetare ne Kosove.
Perfaqesuesit e serbeve ne veri thane se i kane derguar nje ftese komandantit te KFOR-it Erhard Drews per te rifilluar bisedimet per sic thuhet gjetjen e nje zgjidhjeje me te mire te mundshme per levizjen e lire te forcave paqeruajtese. Ata thane se barrikadat ne rruge nuk jane te drejtuara kunder misioneve nderkombetare por jane kunder institucioneve te Prishtines.
Autoritetet nderkombetare te sigurise kane kerkuar qe liria e levizjes te rivendoset shume shpejt sepse kjo eshte ne te miren e popullates lokale dhe pranise nderkombetare ne Kosove.
Zyrtare te KFOR-it thane sot se per kete mision nuk eshte i pranueshem asnje kusht ne lidhje me lirine e levizjes dhe se kjo duhet te arrihet per secilin.
Edhe zyrtare te misionit te EULEX-it thane se qendrimi i ketij misioni eshte i njejte me ate te forcave paqeruajtese qe ne veri te Kosoves duhet te rivendoset liria e levizjes per te gjithe pa dallime.
Gjendja ne veriun e banuar me shumice serbe vazhdon te jete e tensionuar ndersa protestuesit serb vazhdojne ti mbajne te bllokuara rruget kryesore qe cojne ne vendkalimet kufitare me Serbine ne veriun e Kosoves me gjithe perpjekjet e forcave paqeruajtese te udhehequra nga NATO-ja per zhbllokimin e rrugeve.