Kosovë, arrestohen tre aktivistë të "Vetëvendosjes"

Dy aktivistë të lëvizjes "Vetëvendosje" janë prangosur në sallën e Gjykatës së Qarkut Prishtinë, në momentin që ishin duke ndjekur seancën e caktuar sot kundër Albin Kurtit.
Të arrestuarit janë Glauk Konjufca dhe Zgjim Hyseni, ndërsa Blerim Macastena është arrestuar rreth orës 12:00 në Besianë, i cili në momentin e arrestimit ishte duke mbledhur nënshkrime për peticionin kundër gjyqit të Albin Kurtit.
Ata u arrestuan nga policia me fletarrest të lëshuar nga Gjykata Komunale në Prishtinë, thuhet në një njoftim të "Vetëvendosjes", e cila këto arrestime i cilëson si "përndjekje e hapur" kundër tyre. Për Glaukun, Zgjimin dhe Blerimin, Gjykata Komunale kishte lëshuar fletarrest sot në mëngjes.