Kosove imuniteti Kuvendi refuzon Kushtetuesen

Kuvendi i Kosovës nuk bashkëpunon me Gjykatën Kushtetuese në zgjidhjen e çështjes së imunitetit të deputetëve kosovarë. Një çështje kjo e ngritur nga qeveria kohë më parë pjesë e së cilës duket se Kuvendi nuk do të bëhet.

Gjykata Kushtetuese e Kosovës me të marrë kërkesën nga qeveria për të sqaruar çështjen e imunitetit, i kishte dorëzuar një shkresë Kuvendit të Kosovës që në afat prej 40 ditësh t’i dorëzojë kopjet e punës përgatiore të neneve të ligjit dhe Kushtetutës të cilat kanë të bëjnë me imunitetin e deputetëve kosovarë. Por ndërsa afati për këtë skadon të martën, pra me datë 6 shtator, Kuvendi akoma nuk i ka dorëzuar këto proces-verbale.

Në një komunikim nëpërmjet postës elektronike, Gjykata Kushtetuese përgjigjet shkurt duke thënë se Kuvendi nuk ka dorëzuar proces-verbalet e kërkuara nga Gjykata Kushtetuese e Republikës së Kosovës, në lidhje me çështjen e imunitetit të deputetëve.

Gjykata kishte kërkuar po kështu edhe mendimin e deputeteve në lidhje të drejtat dhe përgjegjësite e tyre si deputetë dhe sipas Gjykatës Kushtetuese deputeti i vetëm që ka dërguar mendimin e tij është Nait Hasani nga Partia Demokratike.

Në përgjigjen e tij zoti Hasani ka protestuar ndaj kërkesës së qeverisë për sqarimin e kësaj çështje duke thënë se, deputetët imunitein e kanë të garantuar me Kushtetutë dhe atë mund t’ua marrë vetëm Prokuroria e Shtetit. Ai ka thënë se gjërat e qarta për intelektualët nuk duan interpretim dhe sipas tij interpretim kërkojnë analfabetët politikë.

Njëri nga nënkryetarët e Kuvendit të Kosovës, Glauk Konjufca nuk e di saktësisht nëse Sekretaria e Kuvendit i ka dorëzuar ato që ka kërkuar gjykata, por kujton që kryesia më herët kishte vendosur që t’ia lehtësojë punën gjykatës duke e përmbushur kërkesën e saj.

Gjykata Kushteutese nga ana e saj konfirmon se është duke e shqyrtuar kërkesën e qeverisë për sqarimin e çështjes së deputeteve në përputhje me Kushtetuten, ligjin për Gjykatën Kushtetuese dhe rregulloren e punës së gjykatës dhe do të marrë vendim meritor kur rasti të jetë i përgatitur për vendosje.

E teksa gjithçka lidhet me emrin e deputetit, Fatmir Limaj, që akuzohet për krime lufte dhe ndaj tij ka filluar proçesi gjyqësor, vetë zoti Limaj ka paralajmëruar padi ndaj qeverisë e cila sipas tij nuk ka pasur të drejtë ligjore të kërkojë nga gjykata të sqarojë çështjen e imunitetit.

Pikërisht në pyetjen tonë, se a është dashur që Gjykata Kushtetuese fillimisht të shqyrtojë ligjshmërinë e kërkesës së qeverisë për të sqaruar imunitetin e deputetëve, gjykata nuk i ka dhënë përgjigje.

Qeveria në kërkesën e saj për të sqaruar imunitetin e deputeteve i është referuar nenit 93 i cili flet për kompetencat e qeverisë dhe nenit 113, pika e 3 e cila thotë se qeveria është e autorizuar të ngrejë disa çështje në mesin e tyre edhe konfliktin në mes të kompetencave kushtetuese të Kuvendit të Kosovës.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga Kosova Kosova, Vatikani: Së shpejti lajme të mira
Qytetarët kosovarë do të marrin së shpejti nga Vatikani lajme të mira përsa i përket njohjes së pavarësisë dhe sovranitetit të Kosovës. Lila: Embargoja mbetet në fuqi
Ministrja kosovare e Tregtisë, Mimoza Kusari Lila ka deklaruar se marrëveshja për vulat doganore me Beogradin nuk nënkupton heqjen menjëherë të masave të reciprocitetit. “Delo”: Serbia, pranë njohjes së Kosovës
Marrëveshja e arritur për vulat doganore mes Prishtinës dhe Beogradit e ka afruar Serbinë drejt njohjes së shtetësisë së Kosovës, shkruan në numrin e sotëm të saj e përditshmja sllovene “Delo”. Jahjaga vizitë zyrtare në Bruksel
Presidentja e Kosovës, Atifete Jahjaga ka udhëtuar sot për në Bruksel, ku në ditët e ardhshme do të zhvillojë takime me zyrtarë të lartë të BE-së. Policia lë të lirë aktivistët e Vetëvendosjes
Lirohen aktivistët e lëvizjes Vetëvendosje të arrestuar ditë më parë pasi sulmuan me domate makinën e zëvendëskryeministres kosovare Edita Tahiri.

Lajmet kryesore

Spahiu: Po plotësohet rekomandimi i Athinës
Integrimi kalon nga Brukseli
Wikileaks: Negociatat për varrezat greke
Kabllogramet, “drejtësia të hetojë”
Zgjedhjet e 2009-s, si ndryshoi raporti?
Arvizu: E rëndësishme nisja e reformave