Kosove marreveshje me BB

Në kuadër  të projekteve të fuqizimit të sektorit financiar dhe  infrastrukturës së tregut financiar, Banka  Botërore për Kosovën  ka  akorduar një kredi  4.5 milion euro. 

Pas nënshkrimit të kësaj marrëveshje kryeministri i Kosovës, Hashim Thaçi, tha se Kosova tani është e përqendruar të ndërtojë  një sistem më efikas financiar.

Hashim  Thaçi, kryeministri i Kosovës u shpreh se ”Stabiliteti financiar i vendit është jetik për zhvillim e qëndrueshëm dhe afatgjatë. Në këtë kuadër projekti ka për objektiv rritjen  e stabilitetit dhe zhvillimin  financiar  dhe sforcimin e infrastrukturës së tregut të këtij sektori.”

Ndërsa menaxheri i Bankës Botërore në Kosovë, Ranjit Nayak, tha se Banka Botërore e mbështet qeverinë e Kosovës në arritjen e objektivave në sektorin financiar. Ranjit Nayak tha se "ky projekt është aprovuar ne bordi i Bankës Botërore në 14 qershor. Projekti do të  mundësojë zhvillimin e tregut financiar përgjatë Evropës Juglindore.”

Projekti do të financohet nga IDA Kredit për një afat  maturimi 20 vjet.

Sala Mehmeti