Kosovë, ngrihen 5 akuza kundër Fatmir Limajt

Prokuroria ngarkon deputetin Fatmir Limaj me pesë pika të aktakuzës. E përditshmja kosovare “Koha Ditore”, shkruan se burime nga Prokuroria, informojnë se prokurori italian Maorizio Salustro ka ngritur aktakuzë kundër Limajt për krime lufte kundër të burgosurve të luftës.

Mbi nënkryetarin e Partisë Demokratike të Kosovës (PDK-së) rëndojnë pesë pika të aktakuzës, dy për krime lufte kundër popullatës civile dhe tri pika për krime lufte kundër të burgosurve të luftës, që përfshin edhe vrasjen.