Kosovë,filloi viti i ri shkollor

Në të gjitha shkollat e Kosovës sot ka filluar viti i ri shkollor 2010/2011. Ministria e Arsimit, Shkencës dhe Teknologjisë, ka njoftuar se në pjesën më të madhe të shkollave janë bërë të gjitha përgatitjet e nevojshme teknike e organizative për fillim të mbarë të vitit të ri shkollor.

Por, drejtoritë komunale të arsimit bëjnë të ditur se në disa shkolla nuk kanë përfunduar rinovimet dhe përgatitjet tjera teknike, prandaj viti i ri shkollor nëpër disa shkolla do të fillojë me vonesë.