UEFA ndalon vuvuzelat në ligat evropiane
Federata Evropiane e Futbollit e ka ndaluar sot futjen e vuvuzelave në stadiumet gjatë kampionatit evropian dhe në ndeshjet e Ligës së Kampionëve.
UEFA tha se boritë e plastikës "nuk i përshtaten Evropës", sepse janë tepër të zëshme dhe i mbulojnë këngët e tifozëve dhe reagimet emocionale në terren.
UEFA tha se të gjitha federatat kombëtare janë dakorduar që të ndalohet përdorimi i vuvuzelave në garat e klubeve evropiane.
Vuvuzelat u përdorën gjatë Botërorit 2010 në Afrikën e Jugut.
FIFA refuzoi të ndalë përdorimin e tyre, me arsyetimin se vuvuzelat janë pjesë e kulturës afrikane.