Kredite rrenojne buxhetin

Fatura e kostos se borxhit qe qeverite shqiptare kane marre per te financuar shpenzimet publike po vjen duke u renduar nga viti ne vit.

Ne buxhetin e shtetit te vitit 2009, qeveria ka vene ne dispozicon per te paguar interesat e borxhit publik me shume se 36 miliarde leke ose mbi 360 milione dollare.

Krahasuar me vitin e kaluar kjo shifer eshte rreth 3.5 miliarde leke ose mbi 35 milione dollare me e madhe. Krahasuar me vitin 2005 shpenzimet per koston e borxhit jane rreth 7 miliarde leke ose 70 milione dollare me te larta.
 
Pjesa derrmuese e ketyre interesave do te shkojne ne llogari te bankave tregtare ne vend, te cilatdo te perfitojne vitin e ardhshem nga qeveria plot 31.4 miliarde leke ose 315 milione dollare. Ndersa pjesa e mbetur prej 42 milione dollaresh jane interesa per borxhin e jashtem.
 
Kostoja e borxhit eshte ne rritje kete vit edhe ne raport me prodhimin e pergjithshem kombetar. Drafti i pergatitur nga Ministria e Financave, qe tashme ka marre edhe miratimin ne qeveri, parashikon qe vitin e ardhshem shpenzimet per interesa te jene 3.1 per qind e Produktit Kombetar nga 3 per qind qe jane per kete vit.

Qeveria kishte premtuar se ne vitin 2009, shpenzimet per borxhin nuk do te ishin me te larta se 2.8 per qind e PBB.

Borxhi publik ne Shqiperi perben me shume se 53 per qind te Produktit te Brendshem Bruto. Ne total fatura e borxhit eshte rreth 5.5 miliarde dollare dhe pjesa derrmuese e tij eshte marre nga bankat private ne vend.

Por vitet e fundit qeveria ka ndermarre nje reforme, me ane te te cilit synon ta orientoje huamarrjen publike ne tregun e huaj, nen argumentin e interesave me te uleta por edhe impakteve me te medha ne ekonomi.