Kretet e shtetit, vizite ne familjet e deshmoreve

Kryeministri Berisha dhe Presidenti Topi, zhvilluan dje vizita ne familjet e te reneve te kombit. Keshtu Berisha zhvilloi nje vizite ne familjen e Heroit te Kombit, Myslym Shyri dhe te Deshmoreve te Atdheut, Dionis dhe Kleanthi Manastirliu. Kryeministri duke iu percjelle pjesetareve te familjes Shyri nderimet me te thella te tij, te qeverise dhe te te gjithe shqiptareve, per vepren e pavdekshme te Komisarit te Batalionit te dyte, Heroit te Popullit, Myslym Shyri, vleresoi se ai ishte nje nga luftetaret me trima ne luften clirimtare te kombit shqiptar, i cili i jep nder familjes se tij, Tiranes dhe cdo shqiptari, me vepren dhe sakrificen e tij sublime. Ndersa gjate vizites ne familjen Manastirliu, Berisha vleresoi kontributin e madh te kesaj familjeje ne luften clirimtare, me angazhimin e te gjithe anetareve te saj, nga ku, dy prej tyre, Dionisi dhe Kleanti, rane ne kete lufte ne vitin 1944, duke u shpallur Deshmore te Atdheut. Po keshtu edhe presidenti Topi zhvilloi dje vizita, ne familjet e deshmoreve Margarita e Kristaq Tutulani dhe Myslym Keta.