Kreu i KLSH, Topi dekreton demokratin Bujar Leskaj

Ish-deputeti demokrat, dr. Bujar Leskaj, eshte kandidatura qe Presidenti Bamir Topi propozoi dje, per postin e Kryetarit te Kontrollit te Larte te Shtetit. "Ne mbeshtetje te Kushtetutes, si dhe ligjit "Per Kontrollin e Larte te Shtetit", i ndryshuar, dekretoj z. Bujar Leskaj; i propozohet Kuvendit per t'u zgjedhur Kryetar i Kontrollit te Larte te Shtetit. Ky dekret hyn ne fuqi menjehere", firmosi dje kreu i shtetit, duke ia percjelle menjehere Kuvendit, kandidaturen e re. Leskaj ka qene me pare deputet i Kuvendit, i zgjedhur nga Partia Demokratike, per periudhen 2005-2009. Gjithashtu ai ka qene edhe minister i Turizmit, Kultures, Rinise dhe Sporteve, ne kabinetin qeverises te kryeministrit Berisha, kater vjet me pare. Pas perfundimit te legjislatures 2005-2009, deputeti nga Vlora nuk u perfshi ne listat e kandidateve te selise blu per nje mandat te dyte. Leskaj ka lindur ne 3 korrik 1966, ne Vlore dhe ka perfunduar Fakultetin Gjeologji-Miniera me 1990. Ai eshte diplomuar si Inxhinier nafte; gjithashtu ka kryer studimet ne Fakultetin e Ekonomise, Dega Finance me 1998, diplomuar si Ekonomist. Po ashtu ai ka kryer edhe Fakultetin e Drejtesise me 2002, diplomuar si Jurist dhe zoteron nje diplome per mesimdhenie ne nivel masteri ne Administrim Publik. Ai ka ushtruar disa pozicione, si doganier ne degen e doganes, Vlore; Nendrejtor i Pergjithshem i Drejtorise se Pergjithshme te Doganave; pedagog ne Fakultetin e Ekonomise, Departamenti Finance. Nga janari i vitit 1997, ai ka qene anetar aktiv i Partise Demokratike, ndersa per periudhen 2001-2005, anetar i bordit financiar te PD-se, si dhe i Keshillit Kombetar te PD-se, zgjedhur nga Kuvendi i 7-te, i 8-te.