Krifca voton: Sot është dita për ta bërë zërin e qytetarëve të degjohet

Ministrja e Bujqësisë dhe Zhvillimit Rural Frida Krifca, votoi në shkollën “Andon Zako Çajupii” në Tiranë, për zgjedhjet vendore të 14 majit.

Pas procesit të votimit, Krifca i bëri thirrje qytetarëve, që të votojnë masivisht në zgjedhjet vendore ndërsa thekson se vota është fuqia e gjithsecilit që të zgjedhi ata që duam të çojnë punët përpara.

“Thirrja ime është që të gjithë të dalin e ta ushtrojnë të drejtën e tyre për të votuar pasi sot është dita e duhur për ta bërë zërin e qytetarëve të degjohet. Le të mblidhemi të gjithë si një komunitet e të zgjedhim ata që duam të çojnë punët e 61 bashkive tona përpara. Është dita e duhur për të treguar se demokracia është më e fortë kur të gjithë marrin pjesë për të ndërtuar të ardhme më të forte”, deklaroi ministrja Krifca.

/rtsh.al/