Krimi në familje, 70-vjeçari vret vëllain në Has

Një krim i rëndë brenda familjes është shënuar gjatë mbrëmjes së djeshme në Has, teksa një 70-vjeçar akuzohet se ka vrarë vëllain e tij 60-vjeçar.

Ngjarja e rëndë është shënuar mbrëmjen e djeshme në fshatin Brenoge të Hasit ku 70-vjeçari Imer Shuti dyshohet se ka qëlluar me armë zjarri vëllain e tij, Ilmi Shuti, 60 vjeç, i cili ka ndërruar jetë si pasojë e plagëve të marra.

Sipas policisë, ngjarja ka ndodhur për motive të dobëta, ndërsa është arrestuar edhe autori i ngjarjes dhe po punohet për zbardhjen dhe dokumentimin e plotë të ngjarjes.