Kriza, FMN ndihme nga vendet arabe
Per te penguar perhapjen e metejshme te krizes globale financiare, Fondi Monetar Nderkombetar FMN, ka nevoje per mjete shtese prej 100 miliarde dollaresh. Ky eshte vleresimi i kryeministrit britanik Gordon Braun (Gordon Brown). Vetem ne kete menyre mund te mbrohen prej kolapsit dhe falimentimit ekonomite e atyre vendeve qe jane ende ne gjendje normale, theksoi Braun ne kryeqytetin e Arabise Saudite, Riad. Braun po perpiqet te binde vendet prodhuese te naftes qe te derdhin me shume para ne Fondin Monetar Nderkombetar. Braun tha se, vitet e fundit keto vende kane perfituar shume prej rritjes se cmimeve te naftes dhe se tani duhet te mbajne pergjegjesine qe u takon. Per shkak te krizes se rende financiare ndihma ne miliarda prej FMN-se kane marre deri tani Islanda, Ukraina dhe Hungaria. Ne prag te kolapsit financiar ndodhet edhe Pakistani. Perllogaritjet paraprake tregojne se ekonomia amerikane pati nje renie prej tre te dhjetash te nje perqindeshi ne periudhen Korrik-Shtator 2008. Ekonomistet kishin parashikuar nje renie prej 5 te dhjetash. Por raporti i Departamentit te Biznesit njoftoi se shpenzimet e amerikaneve pesuan renien me te madhe ne gati 30 vjet. Ekonomia ka pesuar edhe nje renie tjeter ne fund te vitit 2007 pervec renies se tanishme qe prej recesionit ne vitin 2001. Recesioni eshte nje situate ekonomike kur prodhimi i pergjithshem vendas GDP bruto peson ulje per te pakten 6 muaj rresht. GDP-ja eshte vlera e perbashket e te gjitha prodhimeve dhe sherbimeve kombetare te nje vendi. Kohet e fundit shume banka qendrore neper bote kane ulur normat e interesit nga frika e nje recesioni ne shkalle boterore.