Kriza prek sektorin e transporteve

Kriza nderkombetare ka prekur tashme edhe sektorin e transportit rrugor dhe detar, duke reflektuar edhe tendencen ne renie te tregtise.

Sipas kompanive, transporti detar gati ka stopuar, ndersa ai rrugor ka pesuar nje renie te volumit me rreth 10-15 % gjate ketyre dy muajve te pare te vitit.

“Kemi rreth 15% renie te punes sepse ka renie eksporti dhe kane rene grupazhet”, deklaron Artur Kociaj, administrator i “Shega Group”.

Kompanite e transportit thone se ata kryejne porosi tashme vetem ne rruge te shkurtra, kryesisht vetem me vendet e Ballkanit.

Por kriza ka pasur edhe efektet e saj pozitive. Mbyllja e disa terminaleve ne portet e Greqise dhe  pozicioni i favorshem gjeografik i Shqiperise ka bere qe porosite me sasi te vogla te kalojne aktualisht permes portit te Durresit.

“Ngarkesat qe furnizojne Ballkanin kane kaluar ne portin e Durresit dhe transportin tranzit per ne Maqedoni ose Kosove tani po e bejme ne”, pohon Rodolf Xhillari, president i “Ballkan Trans”.

Porpos ketij avantazhi, shoqerite shqiptare te transportit po perballen me uljen e cmimeve te sherbimit, te cilat kete pjese te vitit rane me 10-15 % dhe konkurrenca ne rajon vazhdon te mbetet e forte per kete arsye.