Krujë, tritol banesës së një mësuesi, nuk ka të lënduar

KRUJE – Një shpërthim me tritol në banesën e një mësuesi në fshatin Derven ka vënë në levizje sot policinë e Krujës.

Shpërthimi ndodhi në orët e para të mëngjesit të sotëm, në derën e jashtme të banesës së mësuesit Shpëtim Gurra, në fshatin Derven.

Mësohet se gjatë shpërthimit, Shpëtim Gurra ndodhej në banesë bashkë me familjarët e tij, por fatmirësisht nuk raportohen të lënduar në njerëz, por vetëm dëme materiale të shtëpisë.

Menjëherë në vendngjarje mbërriti një grup i posaçëm hetimor dhe nisi hetimet për identifikimin e autorëve.

Mësohet se aktualisht janë shoqëruar në polici disa persona, të cilët dyshohen se kanë dijeni për ngjarjen.

(er.nu/BalkanWeb)