Kryebashkiaku i Tiranes takim me kryetarin e komunes se Tetoves

Kryebashkiaku Basha ka pritur në Bashkinë e Tiranës, kryetarin e komunës së Tetovës, Sadik Bexheti i shoqëruar nga delegacioni i tij në këtë vizitë të parë në qytetin e Tiranës.
Dy bashkëbiseduesit shkëmbyen eksperiencat në shërbim të qytetarëve si dhe diskutuan mbi disa nga sfidat në përmbushjen e detyrimeve të pushtetit vendor përballë qytetarëve dhe vizionit për të ardhmen e dy qyteteve.
Pas këtij takimi të parë së shpejti të dy njësitë vendore do të angazhohen për të organizuar ditët e Tetovës në Tiranë dhe anasjelltas me pjesëmarrje nga dhomat e tregëtisë, trupat artistike, sporti dhe qytetarët e dy qyteteve.