Kryemadhi:Bashkia,ka abuzuar me fondet në infrastrukturë

Këshilltarja e LSI, Monika Kryemadhi në fjalën e saj ka akuzuar bashkinë për abuzim me fondet që janë hedhur për infrastrukturen dhe me fondet që janë në shërbim të administratës bashkiake. "Janë bërë shpenzime kolosale nga administrata e bashkisë së Tiranës. Duhet të ulen shpenzimet operative. Nga ana tjeter, kemi fonde të hedhura dëm. Bulevardeve "Dëshmoret e Kombit" dhe "Zogu i Pare" iu lëvizin pllakat", ka pohuar Kryemadhi. Kryemadhi gjithashtu u shpreh se nuk duhet të bëhen pazare për interesa personale në kurriz të taksapaguesve të Tiranës.